tirâ sot
[CO]
-
loc.v.
fâ fuarce di trazion movint injù, abàs, sot di alc:
"[…] plui cirivi di tirâmi sù e plui une fuarce mi tirave sot … no sai, no sai ce che fasevi… mi sintivi a lâ sot… il palût mi ingloteve" (Pieri Somede dai Marcs, Resurezion a Pontinie)
-
loc.v.
cjapâ une sume, une paie, un compens e v.i.:
forsit mai il Comun di Cosean al tirà sot, fin a chei timps, tancj bêçs in multis come cuant che al jere vuardian Vigji (Lucio Perès, Vigji il vuardian);
[il muini] al tirave sot nome cuatri panolis di regalie dopo i Sants; e vonde (Riedo Pup, I furlans e il muini)
Sin. cjapâ
, meti in sachete
, scuedi
, tirâ
-
racuei, rivâ a otignî:
la int di Osôf e à tirât sot centenârs di firmis par che lu lassassin tornâ a vore te lôr mense [un renitent di militâr arestât] (Igor Londero, Cuintristorie dal taramot)
-
loc.v.
fâ in mût di vê alc o cjatâsi a vê alc, soredut un mâl, un fastidi e v.i.:
Tal lunis il biât Nisio al veve tirade sot une calorade di chês, a seselâ forment di ca de Sfueime a Cuelalt (Osiride Secco dai Juris, Par colpe di un massalâr carulât)
-
loc.v.
finî cuintri di cdn. o passâi parsore cuntun veicul:
Vinici Scrunç al tirà sot un cjavrûl, ma nol clamà i carabinîrs e lu mangjà cui foncs (AAVV, Lupo Manarie e chei di Contecurte)
Sin. cjapâ sot
-
loc.v.
imbroiâ o fâ vê un dam a cdn.:
un di custôr vuê vot / al veve voie di tirâmi sot. / Sintint che un ciart bavôs / l'à spandude la vôs, / che o vei dissoterât une porzion / del tesaur menzonât ne introduzion (Pieri Çorut, La bore cuviarte)
Sin. cjapâ sot
Components:
-
sot
prep., av., adi.inv., s.m.sing.
-
tirâ
v.tr., v.intr.