tessare
/tè-/
te|ssa|re
[AF]
-
s.f.
ognidun dai tocuts di piere, veri o sim. doprâts par fâ i mosaics:
i lavôrs a continuarin fintremai tal 1912 e a puartarin ae lûs dîs tapêts di tessaris coloradis che a formin un insieme pardabon straordenari (Angelo Floramo, Il misteri dai Mosaics)
-
s.f.
(fig.)
particolâr che al jude a capî un cuadri complessîf, un acjadiment:
i pareve che ogni tessare dal misteri si metès a puest (Raffaele Serafini, Contis sot spirt)
Sin. element
, tessarute
, toc1
-
s.f.
[TS]
zûcs
ognidun dai tocs dal domino
-
s.f.
document che al da il dirit a cui che lu à, di vê un servizi, di ritirâ une robe o di scuedi bêçs, in particolâr in riferiment a chês dal cumierç regolât in timp di vuere:
e comprave di jê la robe di mangjâ che no si cjatavile cu la tessare (Gianni Gregoricchio, Trê feminis);
in timp di vuere dut al jere bon ce che al jemplave lis busis de tessare (Francesc Placerean, Cuintristorie dal Friûl dal 1866 fint in dì di vuê)
Sin. cedule
, tichete
, bolete
-
s.f.
tocut di carton o di plastiche cu lis indicazions anagrafichis e cualchi volte cu la fotografie dal titulâr, che al vâl tant che document di identificazion personâl o di apartignince a di cualchi associazion o categorie particolâr:
«Tu sâs che jo no lu viôt chest Partît. Jo o ai altris ideis. Jo o soi libar e o vuei restâ libar. No vuei tessaris, jo, ni "pudiesis"» (Meni Ucel, Ideis)
-
cartelut di plastiche cuntun supuart di memorie digjitâl, che al permet une interazion individualizade cun sistemis eletronics:
la seconde tessare de bancje no la doprave mai, e si jere inacuart dopo une vore di timp di vêle pierdude (Milio dai cjans, Pieri e Pauli)
Sin. schede
, cjarte