bolete
/-lè-/
bo|le|te
[CO, TS]
-
s.f.
burocr.
document che al prove il paiament di un dazi, di une tasse, di une impueste e v.i. o che si à il permès di tignî o di traspuartâ un ben o di fâ alc che al covente comunicât a une autoritât:
jo o cjalavi daûr o i sacs o il jubâl che al fos disleât e lât par traviers. «Avete capito?», mi dîs chel altri [il finançot]. E mi domande la bolete (Riedo Pup, La bolete dal forment);
«Orpo», dissal chest so barbe, «che o si sin dismenteâts di gjavâ la bolete par copâ il purcit! Va tu Marie che tu sês svelte», dissal, «a gjavâ la bolete in Comune» (Meni Ucel, La bolete dal purcit)
Sin. bole2
-
s.f.
burocr.
fature periodiche pal paiament di une furnidure tant che aghe, gas, corint eletriche e v.i.:
visiti vinars di lâ in bancje a Tisane a paiâ la bolete de lûs, che se no nus e tain (Roberto Meroi, Cjare Vigjute);
i bêçs che a coventin par sistemâ lis rêts e i acuedots a puedin rivâ dome cu lis boletis; duncje, dome fondintsi tra plui societâts si rive a fâ economiis di scjale (David Zanirato, Jù lis mans da la aghe de Cjargne)