talpe
tal|pe
[AF]
-
s.f.
estremitât de çate di un animâl o çate interie di un animâl:
la bestie [la cjavale] e dave une rugnadute e cu la talpe denant e raspave su la pedrade fintremai che e bateve lusignis, come se e ves volût saludâlu (Pieri Menis, Il «trono» dal von);
la sere un colomp al vignive gjavât de scjaipule, furnît de sô cjartute leade a une talpe, e po molât (Maria Forte, Cjase di Dalban)
-
s.f.
[CO, TS]
gastr.
part plui basse de gjambe dal animâl, tant che robe di mangjâ:
[il buteghîr] i zontave cualchi crodie di ardiel e di formadi, une talpe di purcit, robe vanzade, une mane par jê cun tante mularie (Alan Brusini, Come tai romançs);
un côl di paste sute / gjalinis e cjapons, / cun dute la friture / di talpis, di durions (Zaneto, L'ingort)
Sin. pît
, talpin
-
s.f.
part di un mobil che e poie par tiere:
i gridiçs cun cuatri talpis a someavin a lis rêts dal jet e si poiavin un sore di chel altri, in tasse (Gianni Sandri, I cavalîrs)
Sin. pît
, gjambe
-
s.f.
(fam.)
pît di persone, soredut grant:
intant che i cjantôrs a cjantavin chês messonis lungjis lungjis, lui al bateve la talpe (Antoni Beline, Pre Pitin);
sul cjast us ai cjatadis, / puaris dalminis / di len e corean, / ancjemò cun cualchi stampe / di tiere e di ledan. / Par agns us àn dopradis talpis di contadin (Giovanni Pillinini, Un pâr di dalminis)
Sin. çafarot
, fete
, pidat
, pidon
, slepe
, staife
-
gjambe di persone:
Vilma di Strassarie, cu lis talpis a doi di baston (Josef Marchet, Lis predicjis dal muini)
-
s.f.
segn lassât dal pît:
li talpis dai pîts di sant Antoni e dal culat dal diaul a erin ancjamò là sun dôs pieri pôc lontan da glisiuta (Popolâr - Istitût di Ricercje Achil Telin, La sfida tra sant Antoni e el Diaul - Tiaris di Aquilee)
Sin. talpade
, olme
-
s.f.
(fam., scherç., ancje fig.)
man di persone:
al cjapà in man la çate di Schumann Ermes e le scjassà in maniere sussultorie e cumiative. Po daspò al cjapà in man la talpe de siore Schumane, le scjassà antant (Fabian Ros, Eivissa mon amour)
-
s.f.
(fig.)
prestit o credit o acuist fat a credit, cence paiâ sul moment, o sume che e à ancjemò di jessi paiade o che e à di jessi tornade:
"Pussibil! E cun chest truc volêso che tegni sù jo la talpe par voaltris in eterno? Almancul daitmi l'interès, se no il capitâl" (Luigi Gortani, Al marcjât di Vile);
invezit di paiâ, i disevin: «Un cuart a talpe, Dreute, ti pai doman»; e lui al notave (Alan Brusini, Alpin jo mame!)
Polirematichis e espressions idiomatichis