tacon
/-òn/
ta|con
[CO]
-
s.m.
toc di tiessût che si tache tun altri pal solit par che une buse o une sbregadure no si slargji:
procuri di stâ net, / ma ai simpri cualchi siet, / o ben cualchi tacon (Pieri Çorut, La mê biografie);
la cjamese cragnose, la gjachete spopeade e infriçade, i bregons plens di tacons (Alan Brusini, Il mâl dal tor)
Sin. blec
-
s.m.
(fig.)
cualsisei element, materiâl o imateriâl, che al cîr di comedâ un difiet, une mancjance, une buse:
cirî ducj i rotams e lis scovacis di îr par restaurâ un edifici cence fondamentis, une unitât fate di clauts e di tacons (Josef Marchet, Su altris fondis)
Sin. blec
, repeç
-
s.m.
(coloc.)
imbroi o robe che no vâl nuie:
al samee un che tu ti podis fidâ ma dopo ti tire il tacon (Bete di Spere, Minorance)
Sin. bolade
, comedonade
, fotude
, freolade
, impirade
, pac
, sfreolade
, taconade
, freade
, freadure
, inculade
, bidon
Polirematichis e espressions idiomatichis
Proverbis:
- a fuarce di tacons, si mude i bregons
- al è miôr un tacon che no un barcon