stret
/-è-/
stret
[FO]
-
p.pass., adi.
viôt strenzi
, viôt strenzisi
Var. strent
-
adi.
limitât tal spazi, spec. tal sens de largjece:
un prât lunc e stret fra lis boschetis (Roberto Ongaro, Il muc);
il troi al jere stret e cence ripârs di sorte, là che si passave un daûr l'altri e cence cjariis cun se, ma simpri atents a no meti un pît in fal (Pieri Menis, Funerâl a Pâl Piçul)
Sin. piçul
-
no bondant, no esagjerât:
il bisnono Turo al jere un om dal discors stret e ecuilibrât (Lorenzo Marcolini, La invenzion dal vueit inte lampadine di Turo Malignani. Storie, gnovis ipotesis e atualitât)
-
(fig.)
limitât tant che viertidure mentâl, culturâl, tant che percezion psicologjiche e v.i.:
[sperimentâ l'insegnament dal furlan] te suaze strete e no favorevule dai programs de scuele taliane atuâl (Adrian Cescje, Memoriis di politiche linguistiche)
-
adi.
di volt, comedon, zîr e v.i., che al à un mudament di direzion impuartant in pôc spazi, o ancje che come traietorie si ten indentri:
tun volt, avonde stret, i cjapà un grant spac, che scuasit ur petave cuintri un cjar (Maria Forte, La tiere di Lansing)
-
adi., av.
di lengaç, mût di cjacarâ e v.i., cence dividi ben i suns, ancje cuntun acent locâl fuart:
a tabain stret e svelt (Alan Brusini, Gian Paolo Linda, I forescj);
il cjargnel stret di Culino (Gianfranco Pellegrini, Cul pît su la buse)
-
adi.
tignût dentri di alc che al cjape, che al siere, che al limite, che al fasse e v.i.:
il so voli invezit al si fermà sul ritrat di sô mari, inzalît dal timp, stret intune puare suazute di len (Pieri Somede dai Marcs, Il segno)
-
adi.
di vistiari, scarpe, manece o sim., che al sta dongje dal cuarp:
i cai tes scarpis stretis (Zaneto Del Puppo, La lenghe)
-
che al è in tension tor di alc o che al è cjapât dentri cun tension:
mi involuce stret tal linzûl (Pierluigi Visintin, Friûl e furlans te Histoire de ma vie di Giacomo Casanova)
-
adi.
che al è tacât di altris elements, che al à pôc puest:
cun dute chê int o jerin strets (Mario Beltramini, Jo e Graziella)
-
adi.
di rapuart, relazion, parintât e v.i., dret, che al ten dongje:
no à nissune impuartance la union largje o strete dal Friûl cun Rome (Josef Marchet, No si à di judicâ il passât cu la mentalitât di cumò)
-
di cdn., dongje te parintât, te amicizie, te colaborazion e v.i.:
cence pari, cence mari, e cence parincj strets (Bruno Paolo Pellarini, Siôr Nadâl)
-
adi.
(fig.)
che al à une fuarte aderence, corispondence e v.i.:
la grafie di une lenghe di culture no po jessi il riflès stret de oralitât (Xavier Lamuela, La grafie furlane normalizade);
la dipendence di proporzionalitât strete fra la intensitât di lûs e la intensitât di corint eletriche (Lorenzo Marcolini, Aplicazions des celis organichis nanostruturadis)
-
s.m.
spazi piçul:
chel sbati li, tal stret, al veve un sun muart (Dino Virgili, La aghe da pît la cleve);
al cjapà dute la viamence che il stret dal puint al podeve permeti (Laurin Zuan Nardin, Il cop)
-
s.m.
[TS]
gjeogr.
ancje cun iniz. maiusc., toc di mâr jenfri dôs tieris che scuasi si tocjin:
passât il stret di Messina cul mâr agjitât al veve viodût la cueste de Calabrie voluçade te fumate (Checo Tam, La vuere di Checo)
-
s.m.
(fig.)
pocje disponibilitât di risorsis:
Menie e jere in stret di bêçs, ma e saveve rangjâsi (Maria Forte, La fie çuete)
-
s.m.
[TS]
artes.
viôt calât
Polirematichis e espressions idiomatichis
Proverbis:
- miôr stret che no puaret
- vuardâsi dai parincj strets come des scarpis stretis