Dizionari de Lenghe Furlane

specialitât  spe|ci|a|li|tât  [AF]

1. s.f. il jessi speciâl, particolâr:  un Vanzeli che al sarès stât componût adiriture di Sant Marc Evangjelist, e che al varès dimostrât la specialitât di une Glesie Basilicane, peade al so teritori e a la sô int (Angelo Floramo, Siums di storie)
   Sin. particolaritât
   
   1. [TS] polit. des regjons de republiche taliane, il vê e il meti in vore un statût di autonomie speciâl:  si intindarès di ridusi dute la specialitât dal nestri statût regjonâl a une sedon di panadute lamie (Josef Marchet, Logjiche e politiche); la uniche reson di specialitât dal Friûl-Vignesie Julie e je la presince di comunitâts di storie, culture, tradizion e soredut di lenghe difarente rispiet al rest dal teritori statâl (Comitât 482, Letare vierte)
2. s.f. carateristiche speciâl, tipiche:  une altre "specialitât" de culture furlane, derivade de sô storie, e je chê di jessi "une crosere di popui" (Gian Carlo Menis, Pre Checo e la storie)
   Sin. particolaritât , tipicitât
3. s.f. categorie particolâr, individuade di sôs carateristichis diferentis di chês di altris categoriis:  cerçâ dutis lis specialitâts di vin (Antoni Beline, Pre Pitin)
   Sin. sorte , categorie , cualitât
4. s.f. fat particolâr, circostance specifiche:  ancja chei vegneran a proporzion, seont la circostança de la specialitât, straordinariamentri cjastiâts (Antoni Brumat, Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera)
   Sin. câs , circostance
5. s.f. setôr di ativitât caraterizât di funzions e competencis particolârs:  il teme de esperience e dal ampliament de casistiche di operativitât dai miedis e dai sanitaris al pues jessi decidût in maniere oportune cuntune turnazion di personâl tra nosocomis grancj e piçui. Chest al tocje la ostetricie, ma ancje tantis altris specialitâts medichis (Roberto Pensa, Tisane o Palme? Il Friûl al à bisugn di ducj i doi i ponts nassite)
6. s.f. ognidun dai setôrs di une stesse ativitât sportive:  [tal speedway] si pues cori ancje su la glace, e chê specialitât e à non ice-speedway (Davide Francescutti, Marama Toyo, l’istrian che al amave il speedway)
7. s.f. azion, prodot o preparazion che si fasin cuntune abilitât particolâr:  un biel pâr di dalminis di pôl, specialitât de Dite (Josef Marchet, Lis predicjis dal muini); mi vignive dongje riduçant par fâmi cerçâ une sô specialitât: la sgnape di barancli (Alan Brusini, Gian Paolo Linda, I forescj)
   
   1. prodot tipic di une cierte zone:  e à ufiert un rinfresc cun specialitâts e vins nostrans (Pieri Grassi, Sandri Secco dai Juris, La Europe des patriis)
   2. robe di mangjâ o di bevi une vore buine:  il gustâ al jere une specialitât daûr chê altre: persut cul melon, cervielis di rusignûi suntune fuee di salvie, freulis cu la pane montade, ûs di tartarughe (Alan Brusini, Amîs come prime)
8. s.f. [TS] med. preparazion farmacologjiche metude in cumierç za pronte, no preparade dal speziâr:  cheste specialitât nissun [speziâr] la ten… Bisugnarès fâle vignî di Milan… (Costantino Smaniotto, Il speziâr)