Dizionari de Lenghe Furlane

sgliciâ  sgli|ci|â  [CO]

1. v.intr. movisi su la glace cun lamis fatis di pueste di metal, o une volte ancje di len, fissadis sot des scarpis, dai stivalets, des dalminis e v.i.:  ma ator i Gorcs si sint / un grant sussûr di int: / la baronie di place / sglicie su la glace (Pieri Çorut, La nêf e i barons di place); di Unviar no fidavin la ore che e fos pocje aghe e che si glaçàs par lâ a sgliciâ (Lucio Perès, Tal Cuar)
   Sin. slicâ , slichiâ¹
2. v.intr. sbrissâ su la glace:  al cjaminave di rive jù, bande cjase, stant atent a no sgliciâ (Gianfranco Pellegrini, Il drâc)
   Sin. sbrissâ , slicâ , slichiâ¹
3. v.intr. (ancje fig.) movisi, cori o colâ in maniere lizere e cence frizion, ancje no su la glace:  a fasevin i «passarins» cu lis slavaris ta la aghe. Al jere Chichin di Varut che ju faseve saltâ vie e po a sgliciavin parsore da la aghe fintremai là di là (Dino Virgili, La aghe da pît la cleve); si divertive a cjalâ la aghe che, sgliciant vie fra jenfri i claps blancs e slissotâts e faseve mil sbilsigns saltant di un cret al altri (Roberto Ongaro, Cretevierte); par Jole al jere ancjemò piês, e sgliciave dentri un sintiment di colpe (Carlo Sgorlon, Il dolfin)
   Sin. sbrissâ , slicâ , slichiâ¹
   Cfr. cori , lâ , scjampâ

Polirematichis e espressions idiomatichis

• fier di sgliciâ loc.s.m.