sfrutâ
sfru|tâ
[AF]
-
v.tr.
doprâ un cualsisei element, ancje astrat, par vê une utilitât o par produsi un risultât:
Spencer al sfrutà a so vantaç une interpretazion improprie dal darwinisim par justificâ la sô brutâl teorie economiche (Angelo Vianello, La evoluzion su la tiere. Une storie di competizion e cooperazion)
Sin. doprâ
, zovâsi
, meti a pro
, avalêsi
-
v.tr.
doprâ un ben o une risorse cun aviditât e cence misure:
i parons forescj, par antîc tant che in dì di vuê, a faserin e a fasin il lôr comut e il lôr interès, sfrutant miôr che a puedin lis risorsis dai sîts cuistâts, cence scomponisi di ce che al covente o che al zove aes popolazions sogjetadis (Josef Marchet, Cuintristorie dal Friûl fin sot la Italie)
Sin. doprâ
Cfr. strucâ
, molzi
, striçâ
-
(ancje ass.)
gjavâ un tornecont di cdn., soredut cuintri de justizie o de morâl:
e in citât no tu podarâs vê amîs e nancje feminis, parcè che culà vie o che ti sfrutin pai tiei bêçs o che nancje no ti calcolin (Enrico Martina, Ricuarts e inlusions);
vonde cun sorestants che a sfrutin e a vivacin mentri che la plui part de int no à nuie di ce vivi! (Stiefin Morat, Microrivoluzions);
une sielte di consum che no sfruti i lavoradôrs dal Sud dal mont (Buteghe dal Mont, Luche Nazzi, Guide par un consum just e solidâl)
-
v.tr.
obleâ cdn. a prostituîsi e fâsi dâ i bêçs o une part dai bêçs che si scuedin dai clients:
Lucia i conte la sô storie. Un bintar, un ciert L'Aigle, le veve menade a Triest a parturî e culà le veve sfrutade par cualchi mês. Daspò un cjapitani di mâr si jere inamorât di jê (Pierluigi Visintin, Friûl e furlans te Histoire de ma vie di Giacomo Casanova)