avalêsi
a|va|lê|si
[CO]
-
v.pron.intr.
doprâ alc o cdn. par vê un vantaç, un risultât, une consecuence e v.i.:
o intindevi di avalêmi di Salvi e de opare di Salvi par difondi la idee di une union europeane che e ricognossès il principi di autodeterminazion (Adrian Cescje, Memoriis di politiche linguistiche);
viodude duncje la leç […] avalintmi dal articul… jo o ricognòs pre Nando Sclopet persone di scandul public par vê inviolade la ribelion cuintri la autoritât costituide (Pieri Piçul, Vieri e gnûf);
pe strade a domandin alc ce mangjâ tes cjasis che ur vegnin incuintri, o si avalin dai pomârs dulinvie la trate di Erfurt a Eisenach (Ivano Urli, Storie di Vera)
Sin. avantazâsi
, servîsi
, sintî
, doprâ
, profitâ
, profitâsi
, valêsi
, zovâsi
-
(ancje ass.)
otignî un vantaç ancje di là di ce che al sarès just, coret:
vô si avalês parcè che sês plui grant (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
Sin. profitâ
, profitâsi