servîsi
ser|vî|si
[CO]
-
v.pron.intr.
doprâ alc, o in câs cdn., par otignî un risultât:
Sgorlon si servive di une intonazion infogade par regjistrâ la ossession ad ôr fra sium e realtât dal so protagonist (Tarcisio Mizzau, Balade pai timps di ploie);
la providence si è servide di une siore vedrane e devote [...], che si è visade di une promesse fate di sô sûr a mê mari vincj agns prime e mi à consegnât i bêçs (Antoni Beline, ‘Condanât’ a fâ il predi)
Sin. doprâ
, zovâsi
Var. siervisi
, siervîsi
-
v.pron.tr., v.pron.intr.
(ancje ass.)
cjapâ di bessôl di bevi, di mangjâ o cjapâ di bessôl alc che al covente:
di mangjâ e bevi nol è mai passût e nus puarte fûr e dentri tes ostariis aulà che ognun si servìs di bessôl di ce che al reste (Alan Brusini, Un dai pôcs);
un self service: ven a stâi un ristorant par servîsi di bessôi (Vico Bressan, Cîl e aghe)
Sin. cjapâ
, cjoli
, metisi
Cfr. favorî
, comodâsi
-
v.pron.intr.
fâ i bisugns, fâ escrements:
cuant che e àn metût il prin clap de nestre glesie, benedît dal vescul, chel disgraciât al à vût il brut pinsîr di "servîsi" parsore (Pieri Menis, Un muart su la strade);
il sît par spandi la aghe e lâ di cuarp e je une fuesse a la vierte cuntun pâl denant in mût che, plovie svintie neveie, tu ti sentis sul pâl e tu ti servissis a la buine di Diu (Ivano Urli, Storie di Min)