profitâ
pro|fi|tâ
[AF]
-
v.intr.
vê un vantaç di alc, soredut di une situazion o di une ocasion:
lui intant al profitave di chê fortune, che se a siôr Tite i veve dit di no meretâ, dentri di se, al crodeve just il contrari (Roberto Ongaro, Il muc)
Sin. profitâsi
Var. aprofitâ
Cfr. avalêsi
, avantazâsi
, zovâsi
-
cjapâ une ocasion buine par fâ alc:
profitìn di cheste ocasion par fâ capî cul nestri vôt che e je ore di butâ te feraze un ordenament comunâl e provinciâl di cheste fate (Josef Marchet, No sin contents!);
il percors al proviôt dome altris doi svolts, pôc prime di rivâ insom, cussì di sere i autiscj a profitin par cori un pôc di plui (Marc Stolf, Al è simpri cualchidun che al è "plui mancul" di te)
-
v.intr.
(fig.)
no moderâsi tal vê un vantaç o tal beneficiâsi di une situazion:
"No vuei profitâ de vuestre buinegracie" (Gianni Gregoricchio, Trê feminis)
Sin. abusâ
-
no vê scrupui tal vê da fâ cun alc o cdn., otignint un vantaç cun dam di chei altris:
un prepotent come tancj di lôr che a profitin de lôr fuarce cuintri chel che nol po (Alan Brusini, Gian Paolo Linda, I forescj)
Proverbis:
- par no lavorâ, i poltrons a profitin di dutis lis ocasions