Dizionari de Lenghe Furlane

sfiliâ³  sfi|li|â  [CO]

1. v.tr. passâ une vore dongje, in câs ancje fin a tocjâ a pene a pene:  i aroplanos cjamâts di granadis, a puedin sfiliânus la nape di cjase tant che a vuelin (Riedo Pup, Lis bombis sul seglâr); la saete e da cuatri setadis jù pal cîl, e sfilie il music dai cjavai, i cjavai si umbrissin (Dino Virgili, Titon dai siet pecjâts mortâi)
   Sin. sfilâ² , sfrissâ , rasintâ , rasâ , lenzi
2. v.intr. movisi o vê un percors che al passe une vore dongje di alc o di cdn.:  cence dâ intal voli a dinissun, mi sfilie par dongje e mi fâs di mot (Ivano Urli, Storie di Min)
   Sin. sfilâ²
3. v.tr. (fig.) tocjâ a pene, cence frontâ ben insot, un argoment, un pont di discussion, un concet e v.i.:  o vin fat un viazut ad ôr de nature e de anime dal Friûl, sfiliant ancje cualchi gruesse cuestion dal passât, dal presint e dal avignî (Gianfranco Scialino, Il strolic pal 2000)
   Sin. sfilâ²
   
   1. jentrâ scuasi intun concet, intune categorie, intune aree:  lis grandis tematichis che a sfiliin la filosofie (Antoni Beline, La fabriche dai predis)
   2. rivâ scuasi a rivuardâ o a tocjâ cdn.