sepulî
se|pu|lî
[AF]
-
v.tr.
meti un cadavar sot tiere o inte tombe, soredut cuntune cerimonie:
o scugni dizunâ / simpri jo, puar Basili! / O voi a confuartâ / ducj i malâts, / e a sepulî i muarts… (Lea D'Orlandi, Barbe Basili e il Paradîs);
la none Catine e veve lassât par testament che o vessin di sepulîle sot tiere e no intes colomberis (Gianni Gregoricchio, Trê feminis)
Sin. soterâ
Var. sapulî
, sepelî
, sipilî
-
(fig., scherç.)
vivi plui a lunc di cdn. altri:
vecjon ma dret e fuart come un agaç, tant che lui al veve sepulide dute la sô parintât (Pieri Somede dai Marcs, Gnot di Nadâl)
Sin. soterâ
, mandâ sot tiere
, meti te buse
, puartâ sot
-
v.tr.
meti sot tiere cualsisei robe, soredut par platâ:
[lis monedis di arint] no ai podût doprâlis, o ai sepulît ancje chês tal bearç (Carlo Tolazzi, La salamandrie tal fûc)
Sin. soterâ
-
v.tr.
(fig.)
fâ che cdn. o alc al stedi intun puest parât o ancje secondari o che al vedi une funzion margjinâl che no i permet di meti a pro lis sôs potenzialitâts:
in mês e mês di ativitât, o varessin fate passâ la notizie, i varessin dade enfasi, cun dut che la stampe di chenti le varès sepulide inte informazion secondarie (Adrian Cescje, Memoriis di politiche linguistiche)
Sin. imbusâ
, platâ
, scuindi
, nascuindi
, soterâ
-
v.tr.
(fig.)
fâ che alc o cdn. al sedi cuviert di alc, ancje imateriâl:
de valade e vignì sù la fumate, penze, lente, jemplant ogni cjanton, sepulint dut come sot di une grande ondade di aghe blancje (Pieri Menis, La glesiute dai alpins);
a ti impuarte dome di vê cualchidun sentât dongje par podêlu sepulî di concets, osservazions, analisis, discors, cuistions, tesis e antitesis (Maurizio Piccin, Cjavron espiatori);
lu veve sepulît di improperiis (Franca Mainardis, Il sium di Lissandri)
Sin. cuvierzi
Proverbis:
- cul fâ di no capî si sepulìs tropis ofesis
- il dissimulâ al sepulìs tropis ofesis
- Març al marcìs, Avrîl al sepulìs