soterâ
so|te|râ
[AF]
-
v.tr.
meti sot tiere, cuvierzi di tiere o ancje di altri materiâl:
"Tu âs di sgjavâ inta chel cjamp alì, là che jo ai soterât aur tant timp fa!" (Popolâr - Istitût di Ricercje Achil Telin, El laip plen di aur - Tiaris di Cividât e de Badie di Rosacis);
une grande frane si distacà de mont lant a savoltâ chel lât e soterant insiemit il paîs (Renzo Balzan, E jere une volte Buarte)
Sin. sepulî
-
in particolâr riferît a un muart, dâi sepulture:
se tu vens ca sù tes cretis / là che lôr mi àn soterât, / al è un splaç plen di stelutis, / dal mio sanc l'è stât bagnât (Arturo Zardini, Stelutis alpinis)
Sin. meti te buse
, puartâ sot
, sepulî
-
(fig.)
vivi plui di cdn. altri:
la storie di une "fantate" di 98 agns, che e conte no dome i ricuarts di cuant che e jere zovine, ma ancje cemût che si rive adore a soterâ disesiet miedis (Walter Tomada, Intervista immaginaria a Tiziano Tessitori. Il gnûf libri di Roberto Meroi)
-
v.tr.
(fig.)
calcolâ o tratâ alc o cdn. come se al fos finît, muart:
Min al veve soterât, cun Berto, un altri tocut da la sô vite (Franca Mainardis, Aiar di cjase)
-
fâ in mût di platâ alc:
al provà a soterâ cun fadie une ghigne di dûl e di riviel tai miei confronts (Stiefin Morat, Kebar krossè)
Sin. parâ sot
-
v.tr.
(fig.)
fâ che cdn. o alc al stedi intun puest parât o ancje secondari o che al vedi une funzion margjinâl che no i permet di meti a pro lis sôs potenzialitâts:
Jesù nus invide a no soterâ la nestre vite, a doprâ ben il timp che o vin a disposizion (Roman Michelot, La parabule dai talents)
Sin. imbusâ
, platâ
, scuindi
, nascuindi
, sepulî