scuindi
/-ìn-/
scuin|di
[AF]
-
v.tr.
meti alc o cdn. intun puest li che altris no lu cjatin:
intorsi al veve scuindût alc par no paiâ il dazi (Angelo Covazzi, I pulçs);
la robe [di cuintribant] le scuindeve tai monuments vueits dal cimitieri (Alan Brusini, Par stradis lungjis)
Sin. platâ
, clupî
, sclupâ
, taponâ
Var. nascuindi
-
v.tr.
fâ in mût che alc no si sepi, no si viodi:
al mostrave une premure che, vadì, al varès volût scuindi (Maria Forte, La tiere di Lansing)
Sin. platâ
, clupî
, sclupâ
, taponâ
, parâ sot
-
v.tr.
(fig.)
fâ che alc nol sedi in viste o che no si sinti:
un biel pâr di guants cafelat i scuindevin lis mans (Arturo Feruglio, Viaç a Vignesie);
il murel de nêf al tapone il brut colôr dai cops vieris, al scuint il mismàs dai cjôts, dai rudinaçs, dai mussulins, dai lens intassâts (Josef Marchet, Il cjanâl vistût di blanc)
Sin. cuvierzi
, platâ
, parâ
, taponâ
-
(fig.)
fâ di aparence superficiâl rispiet a une sostance o a une realtât che e je diferente:
culì l'ordin alfabetic, che al somearès inocent inte sô imparziâl arbitrarietât, al scuint une precise intenzionalitât (Mario Turello, Il brevet);
sbregâ il vêl des formis che al scuint la vere essence (Fabian Ros, Il lôf)
-
(fig.)
vê dentri alc che no si viôt o no si capìs daurman dal difûr:
[la nestre lenghe] e scuint une modernitât straordenarie (Natascia Gargano, Jessi "un pôc di Friûl")
Proverbis:
- ce che si viôt no si po scuindi
- il traditôr al trai il clap e al scuint la man