imbusâ
im|bu|sâ
[CO]
-
v.tr.
meti intune buse:
imbusâ une letare (Alan Brusini, Gian Paolo Linda, I forescj);
la clavarie e jere di chês vecjis par internis e Saveri al rivà adore a imbusâi dentri l'imprest e al tacà a mateâ (Franco Marchetta, Il numar 1089)
-
v.tr.
(iperb.)
meti intun spazi piçul:
la sere, cuant che o torni cjase di vore, o poi la machine e o voi a cene. No ai di fâmi il zîr dal cuartîr mil voltis [come intune grande citât] par cjatâ dulà imbusâle (Valentina Pagani, Edi Orioli: la braùre di rapresentâ il Friûl)
-
meti o logâ intun puest lontan o discomut:
nus vevin imbusâts sul cjast parsore dai salons dal palaç Ducâl (Pieri Menis, Cemût che o soi restât caporâl)
-
meti di cualchi bande, cun sens indefinît:
dôs palotis di mans che nol saveve mai indulà imbusâlis (Renzo Balzan, Al cûr e al timp no si comande)
-
v.tr.
(fig.)
meti o ancje lassâ tun puest platât, li che no si rive a cjatâ alc o tun puest che no si visisi:
o cîr il mio vêl. Cuissà dulà / che a lu à imbusât chê brute invidiose! (Zuan Lurinçon, La Ninine);
al à scugnût lâ a cirî la clâf, che no si impensave plui là che le veve imbusade (Riedo Pup, I furlans e il muini)
-
v.tr.
(fig.)
meti intune situazion, soredut negative o intrigade, di dulà che al è dificil vignî fûr