screâ
scre|â
[AF]
-
v.tr.
doprâ alc pe prime volte:
si mudà di plante fûr e e screà la cotule e la gjachetine gnove che la sartore i veve puartât propit la dì denant (Maria Forte, La tiere di Lansing);
dopo cuissà trop timp di studis e di lavôr daûr cheste invenzion, e jere vignude la zornade di screâle (Alan Brusini, Amîs come prime)
-
(coloc.)
fâ vê un rapuart sessuâl pe prime volte:
Milie si visave ogni tant de prime gnot, cuant che lui la veve screade (Giovanni Pillinini, L'orloi de vite)
-
v.tr.
(fig.)
scomençâ alc di gnûf:
la ultime pensade le àn screade chest an, sot fiestis di Nadâl: buteghis viertis ancje la domenie, dut il dì (Riedo Pup, No sin bogns di fâ fieste);
«Puemis che a screavin la lôr zoventût propit là che la vuere e semenave la muart» e diseve chê siore e si suiave i voi (Alan Brusini, Come tai romançs)
Sin. tacâ
, scomençâ
, vierzi
, inviâ
-
celebrâ cun solenitât une struture gnove, il principi di une ativitât, di une manifestazion di interès public e v.i.:
al è il Perdon de Dolorade, grant sagre di Merêt di Tombe, une fiestone, si scree il cjampanili gnûf (Pieri Somede dai Marcs, L'ultin cordo)
Sin. inaugurâ
Proverbis:
- a Sant Laurinç la cocule e scree il dint: screâ o no screâ, e je ore di sgjaruiâ
- par screâ bisugne bagnâ