Dizionari de Lenghe Furlane

scori  /-ò-/  sco|ri  [AF]

1. v.intr. (ancje fig.) massime di licuits, movisi, lâ di une cierte bande daûr de pendence:  [la Livence] e scor cidine, pegre, cence claps, cence nancje sbisiâ, come se e fos un vueli (Dino Virgili, Un riul tra Venit e Friûl); al è il timp de riscuvierte di sorzints di bosc e di spissui, di olis e di risultivis, di rois e di riui, che lis lôr aghis a scorin vie platadis jenfri i vencs (Mario Martinis, Il grant lunari dal Friûl. Lui); lis peraulis i scorin fûr di bocje tant che il riul di Pale dopo une montanade (Josef Marchet, Lis predicjis dal muini)
   Sin. cori , lâ , passâ
   
   1. ancje di altris robis, vê un moviment, lâ di une cierte bande, soredut traviers di alc altri:  cul sisteme de cuarde dople che si dopre in montagne cuant che si ven jù di un cret, o sês rivât abàs, fasint scori la cuarde intor dal camin (Roberto Ongaro, Cretevierte); al è lât a sunâ la Avemarie, ma ce isal? la cuarde no scor e la cjampane no si mole (Pieri Somede dai Marcs, La ultime baronade)
   2. dal timp o di alc che al sucêt tal timp, lâ indevant:  dut al ven, al va, al torne… / dome lis nestris zornadis / vegnin e scorin vie / sence tornâ mai plui (Maria Gioitti del Monaco, Avrîl); l'orloi de vite è scuasi biel scorût, / lis vincjecuatri à il banducel batût (Ermes di Colorêt, I, 260)
2. v.tr. [BF] traviersâ un spazi, un timp, une sucession ideâl e v.i.:  il documentari al scor lis cuatri stagjons (lis cuatri tempora) fermantsi su lis manifestazions plui significativis de nestre tradizion (Fabian Ros, Benandants che a van in France)
   Sin. cori , passâ , traviersâ , scjavaçâ
3. v.intr. [BF] des bestiis, vê pierditis de nature pal fat di jessi in calôr o pal tacâ dal part:  "Mame, la vacje e scor!" […] "Ma nol è il so timp!" La puare bestie si lamentave di fâ dûl. "Al covente clamâ il veterinari" (Gianni Gregoricchio, Îr e doman)

Proverbis:

• il brût al scor pe taule