sconzurâ
scon|zu|râ
[AF]
-
v.tr.
dî ciertis formulis e fâ ciertis azions par slontanâ il diaul o lis fuarcis dal mâl o i lôr efiets:
[il capelan par vie de pôre] nol si visave nancje di vê il rituâl cun lui par sconzurâ il demoni (Giovanni Gortani, La paùre - Une gnot intun segrât);
se i nûi a dispecolavin la tampieste, puar Rivignan: no i sarès restât nancje un fros di stran! Bepo al jere corût a sunâ la grande e il plevan si scanave a sconzurâ chel flagjel (Alviero Negro, La tampiestade di Rivignan)
-
v.tr.
fâ che un pericul o alc di negatîf a sparissin o che no vedin efiet:
[il pape] al publicà un document dabon storic, la "Pacem in terris", indreçantsi […] «a ducj i umign di buine volontât», par sconzurâ un conflit atomic tra lis dôs superpotencis (Renzo Balzan, Mai plui vuere);
dome Tonazzo al rivà di istès a fâ la sô ridade. […] Al saveve ridi par distracâsi e par sconzurâ… la malore (Maria Forte, La tiere di Lansing)
Sin. cjaçâ
, dislontanâ
, fâ scjampâ
, sfantâ
, slontanâ
, tignî lontan
, parâ vie
-
v.tr.
(ancje iperb.)
indreçâsi a cdn. cun grande preocupazion e sumission, par domandâi alc:
alore e scomençà a clamâ Meni Fari in so aiût, a preâlu, a sconzurâlu … Ma Meni Fari al faseve il sort (Luigi Gortani, Meni Fari);
par altri l'avocat lu sconzurave di stâ ben atent a ce che al diseve al judiç, par no vignî fûr di chê cause cence un carantan (Agnul di Spere, Frêt)
Sin. preâ
, suplicâ
, implorâ