scombati
/-à-/
scom|ba|ti
[AF]
-
v.tr., v.intr.
(ancje ass.)
impegnâsi intune lote, intun combatiment, intune bataie, intune vuere cuintri di cdn.:
Atile une biele dì al cale in Friûl cun dute la trupe e al scombat in Aquilee (Arturo Feruglio, Viaç a Vignesie);
"Isal pericul? " "Pericul di cuâl? Si lavore indaûr, tai puescj ben parâts cuant che lontan a scombatin […]" (Maria Forte, "Nossent")
Sin. lotâ
, combati
, fâ cuintri
, bati
, batisi
, bataiâ ipon.
, vuerezâ ipon.
Var. scumbati
-
v.tr.
ingaiâ une bataie, un combatiment, une vuere e v.i.:
intant la Ingletiere e la France a stan ancjemò scombatint une vuere che e je tacade intal 1347, l'an de Peste Nere, e che si fermarà dome intal 1453: la famose vuere dai Cent Agns (Angelo Floramo, La cuintristorie de ocupazion veneziane)
-
impegnâsi intun confront sportîf di contat, tant che lote, pugjilât e v.i.
-
v.tr., v.intr.
(ancje ass., fig.)
impegnâsi une vore, ancje se no cun violence fisiche, cuintri di alc o di cdn. o a pro di alc o di cdn.:
o vin simpri combatût e o scombatìn nome par che il Friûl al vebi un ordenament par so cont e no in code a cualchi altre Regjon (Josef Marchet, Par intindisi);
lui al à capît cetant tremende che a è par me cheste ore… la angosse che e scombat la mê anime (Pieri Somede dai Marcs, Mame…);
la meditazion e je une des strategjiis plui antighis par scombati il dolôr (Franc Fari, Neurosiencis dal dolôr)
Sin. lotâ
, combati
, fâ cuintri
, bati
, batisi
-
v.intr.
sfuarçâsi une vore par rivâ a un ciert risultât o par passâ ciertis dificoltâts:
jo zaromai o ai une regule: tirâ dongje dut ce che si po, e vati sbombe! A 'ndi è avonde di tribulâ e di scombati inte vite, e fin che o pues, jo o vuei gjoldime (Gianni Gregoricchio, Îr e doman)
Sin. lotâ
, combati
, fâ vitis
, bati la lune
, deventâ mat
Proverbis:
- se si à salût si rive a scombati
- une e nissun, doi e un, trê si scomence a imparê, cuatri si scomence a scombati