combati
/-à-/
com|ba|ti
[AF]
-
v.tr., v.intr.
(ancje ass.)
impegnâsi intune lote, intun combatiment, intune bataie, intune vuere cuintri di cdn.:
lis atrocitâts fatis vie pe grande vuere dai esercits che a combatevin in Europe (Angelo Floramo, 1914-2014 Cuintristorie de Grande Vuere);
sot chel infier scjadenât, a Pâl Piçul, si combateve rimpinantsi sui crets, tarombolantsi te nêf deventade rosse di sanc, semenade di muarts e di ferîts (Pieri Menis, Funerâl a Pâl Piçul)
Sin. lotâ
, scombati
, fâ cuintri
, bati
, batisi
, bataiâ ipon.
, vuerezâ ipon.
Var. cumbati
-
v.tr.
ingaiâ une bataie, un combatiment, une vuere e v.i.:
il palaç al veve scomençât a tirâlu sù Indrì II tal 1109, jenfri une bataie e chê altre che al veve combatût cuintri i Slâfs (Agnul di Spere, Un cidinôr todesc)
-
impegnâsi intun confront sportîf di contat, tant che lote, pugjilât e v.i.
-
v.tr., v.intr.
(ancje ass., fig.)
impegnâsi une vore, ancje se no cun violence fisiche, cuintri di alc o di cdn.:
la Democrazie cristiane, tai siei agns di regjim, e à combatût ogni moviment autonomistic (Antoni Beline, Autonomiscj si nas);
comitâts che al dì di vuê a combatin cuintri lis liniis in aiar in alte tension (Lorenzo Marcolini, Aplicazions des celis organichis nanostruturadis)
Sin. lotâ
, scombati
, fâ cuintri
, bati
, batisi
-
v.intr.
sfuarçâsi une vore par rivâ a un ciert risultât o par passâ ciertis dificoltâts:
a son i predis che a àn invidâts i sindics a sei chi cu la int, a pâr, insiemi cun lôr, combatint e tignint dûr, no dismenteantsi di une robe: che tignint dûr, cualchi volte e rive la soluzion di dut (Francesc Placerean, Di ducj i dons dal Spiritussant, cumò al covente il don dal coragjo)
Sin. lotâ
, scombati
, fâ vitis
, bati la lune
, deventâ mat