scodolâ
sco|do|lâ
[CO]
-
v.tr.
fâ deventâ çuet o stuart:
i àn molât cuatri grops te schene che tal àn dut scodolât (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
Sin. slancâ
, scudulâ
-
v.tr.
movi plui voltis, ancje cuntune cierte fuarce o violence:
e a pene stât coret / se al rispuindeve cun temeritât, / l'ere scapelotât, / tirât par i cjavei e scodolât, / e obleât cu la lenghe sui modons / a fâ mieze dozene di crosons (Pieri Çorut, Dissipline scolastiche);
chês contrazions che a ti scodolin lis gjambis (Carlo Tolazzi, Il nivel de aghe);
i vecjos si voltavin via scodolant il cjâf (Ranieri Mario Cossâr, Il 'sinar dal re)
Sin. scjassâ
, spacâ
, sacodâ
, sdrondenâ
, sdarnâ
-
v.intr.
cjaminâ menant i flancs:
cjale chê siore ce che scodole (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
-
cjaminâ movintsi in maniere strambe:
plens come gûts, scodolant a bracet pal paîs, si inviavin a cjase berlant o cjantant (Alviero Negro, Pleris)