sbassament  /-ènt/  sba|ssa|ment  [CO]

  1. s.m. il sbassâ, il sbassâsi, il jessi sbassât e il lôr risultât:  i oms a àn di jessi stâts une vore impressionâts dal fenomen dal sbassament dal Soreli, dal disfredament de clime vie pal Invier (Sandri Carrozzo, Nadâl)
  2. s.m. câl, riduzion di une cuantitât o di alc che al pues jessi cuantificât o misurât:  la Port Authority di New York e New Jersey, la societât che e guvierne la opare, e domandave un sbassament dal presit (Oscar Puntel, Mario Collavino: une bandiere furlane parsore il gnûf World Trade Center di New York)
    Cfr. atenuazion , staronzament , riduzion , scurtament , slizeriment , tai , câl , detrazion , diminuzion , sotrazion
  3. s.m. il vignî a mancjâ des fuarcis psicofisichis:  tai ultins agns de sô vite, a Jacum i capità un sbassament. Une vore di malinconie intorsi, un patiment dentri, un abatiment di fuarcis (Angelo Covazzi, La depression)
    Sin. colament , colament di vite , depression
  4. s.m. fasse da pît di un vistît:  [...] cotule sot, dut di tele di lin de plui fine cul sbassament plen di pleis e ricamât a man (Pieri Somede dai Marcs, La Madone dai siet dolôrs)
    Sin. abassament , pedane