pedane
/-à-/
pe|da|ne
[CO]
-
s.f.
[CO, TS]
vist.
fasse di tiessût che e da plui pês e fuarce al ôr da pît di une cotule o di un vistît:
cussì e je vignude a scuvierzi jù par da pît [de cotule] un toc di pedane dispontade (Giovanni Gortani, Il meracul di Sant Antoni);
e cjapà la pedane de cotule in man e vie di corse pal puint (Dino Virgili, La aghe da pît la cleve)
Sin. sbassament
, abassament
-
s.f.
element, ancje avonde piçul, in mobii, veicui e v.i., li che si poin i pîts:
[corint in moto] tes curvis al faseve maraveis. Plet fin a tocjâ l'asfalt cu la pedane, al sfilave i colonei, lassant daûr un fumaron dal diaul (Giannino Angeli, Saetis);
i bancs de scuele a jerin simpri chei de prime, ancje se lôr cumò a stentavin a jentrâur jenfri il schenarili, la ribalte e la pedane, là che il pantan des çuculis si imbrumave (Elio Bartolini, Filandis)
-
s.f.
supuart, pal solit di len, avonde larc, che al permet di stâ un pôc plui adalt dal nivel dal paviment o dal teren:
[il mestri] nus mandave a cjoli su la strade une zumiele di rudine, le slargjave su la pedane di une bande dal so taulin e li nus faseve inzenoglâ a zenoi crots (Pieri Somede dai Marcs, Il gno prin mestri);
il vigjil al dismonta da la pedana e al taca a sigâighi a Cjastelan (Ovidio Colussi, Il paron)
-
s.f.
(fig.)
element che al fâs di poie, di supuart, di base par une cierte azion:
Aquilee puest fuartece, a difese dai possès romans de Alte Italie, pedane pes concuistis a vignî tant di tramontane che di jevât (Pieri Piçul, Storie dal popul furlan);
une gnove Europe des comunicazions, chês che a partissin di Lisbone par rivâ a Kiev. E nô tal mieç, juste par servî di pedane ai afârs di chei altris (Angelo Floramo, Cuintristorie dal Nûfcent 2000-2010)