sotrazion /-òn/ so|tra|zi|on [CO, TS]
- s.f. mat. operazion aritmetiche li che di un numar si gjave un altri: al faseve sumis e sotrazions cun chê sveltece che i veve insegnât la esperience dal mistîr e dal fâ di bessôl (Nadia Pauluzzo, Il bintar); metìn, par esempIi, di sei nassûts dal 1972: par viodi trops agn che si varà dal 1999 al è facil, baste fâ a man la sotrazion: 1999-1972 = 27 agns (Dree Mistrut, L'an doi mil pai "compiutars")
- s.f. azion di gjavâ in gjenerâl, ancje no in matematiche: il pont infinitesim, capîso? Chel che in aparence nol esist. Anzit se al esist e je une entitât che e esist par sotrazion, par difiet di definizion (Franco Marchetta, Gilez)