saldâ
sal|dâ
[AF]
-
v.tr.
[TS]
tecn.
(ancje ass.)
zontâ a cjalt doi tocs metalics:
ur vevi dit che no jeri bon ni di saldâ a fîl, ni di fâ pôc altri (Igor Londero, Delit in vie del Lavoro);
i à insegnât a lavorâ il fier e, cuant che la sô farie e je falide, lu à puartât cun se a saldâ, tal cantîr navâl (Gianfranco Pellegrini, Torse Sand Creek)
-
v.tr.
fissâ doi tocs un cul altri, ancje cence che al sedi lavorant il metal a cjalt:
pe sagre di Sant Pieri, Zuan al puartave dongje, simpri, lis primis gjambis di sorc cul penac, e lis saldave come bandieris di ca e di là de puarte grande (Maria Forte, La rive di Sant Pieri);
a vevin saldade une sente cul scjalarut dal cjaruç (Dino Virgili, Il cjaruç dai Bas)
Sin. tacâ
, fissâ
, zontâ
-
(fig.)
fissâ o fâ stâ insiemi ancje alc di imateriâl:
cumò chest fondament [dal stât nazionâl] al clope […] e al tocje saldâlu, stagnâlu, imblecâlu (Josef Marchet, La sgarfade dal cjan)
-
v.tr.
paiâ dut o ce che al vanze di un cont:
lavorâ, lavorâ fuart, lui e i siei fîs par che la tiere e rindès di plui. Cussì al sarès rivât a paiâ in pôc timp chê cambiâl che al veve lassade in bancje par finî di saldâ il presit de braide (Pieri Somede dai Marcs, La braide)
Sin. licuidâ
, sierâ
Proverbis:
- su la Val di Josafat si salde ducj i conts