sacrifici
/-fì-/
sa|cri|fi|ci
[AF]
-
s.m.
in religjons paganis e cristianis, ufierte rituâl di dons o vitimis ae divinitât, fate par mostrâ sudizion, ricognossince o par fâ onôr:
la int e jere prontade pal sacrifici a Junon: dîs pioris e dîs vidielis grassis (Alan Brusini, Amîs come prime);
i soi sacrificis [al diu celtic Esus] vignivin fats picjant la int e fasintle a tocs (Sandri Di Suald, Ah! la provincie)
Var. sagrifici
, sacrifizi
-
s.m.
ufierte de sô vite par difindi un valôr, un ideâl o il ben dal prossim:
Ermacure, prin vescul di Aquilee, e Furtunât so diacun, cul sacrifici de lôr vite a àn plantade chenti la prime comunitât cristiane (Roman Michelot, Sagre dal Patriarcjât)
Sin. martueri
-
s.m.
rinunzie dure sopuartade di pueste par un ciert fin:
se al ves fat par amôr di Diu o dal prossim une piçule part des faturis e dai sacrificis che al à fats par sparagnâ bêçs, a cheste ore al sarès dal sigûr in ponte dal paradîs (Josef Marchet, Lis predicjis dal muini);
gno pari al è pront a fâ ogni sorte di sacrifici pe famee (AAVV, Sul florî)
Sin. rinunzie
-
(iperb.)
rinunzie a di un plasê o a di une comoditât:
lavôr l'è fadia, l'è sacrifici. E cui lavorarès sença il stimul di sodisfâ a cualchi grant domanda de la propria natura? (Federigo Comelli, Il me paîs)
Sin. patiment
, privazion
, stent
, stente
, vite
, rinunzie
-
s.m.
zûcs
tai scacs, mosse di fâsi mangjâ une pedine par vuadagnâ un vantaç
-
inter.
esclamazion di maravee, rabie e v.i.:
"Tomâs […] mi à riferît che chê femine là […] e ven di Mortean… Che e sedi Tunine? […]" "Sacrifici!… Tunine?… Propri jê?…" (Arturo Feruglio, L'ultin di carnevâl là di Plet);
"Sacrifici! E cuestionin fra di lôr! (Bepo Marion, La morose di Carlo)
Sin. sacrament
, sacranon
, ostie
, usti
, ustinon
Proverbis:
- cence sacrifici no si à nuie de vite
