riparâ
ri|pa|râ
[CO]
-
v.tr.
dâ une protezion:
riparant i voi cu la man (Federigo Comelli, Il me paîs)
Sin. parâ
-
v.tr.
fâ che alc che al jere rot o che nol funzionave al torni in cundizion di funzionâ:
ogjets di ceramiche rots a vegnin riparâts (Margarite Cogôi, Cjicare blu)
Sin. comedâ
, justâ
, regolâ
-
v.tr., v.intr.
fâ alc che al comede o che al compense une situazion:
"Che lu vedi fat, o che no lu vedi fat il mâl, jo bessôl lu sopuarti; duncje l'è just che o ciri bessôl il mût di riparâlu" (Bruno Paolo Pellarini, Amôr in canoniche);
il plevan i domande ancje alc de ultime volte, i da la assoluzion, ma par altri bisugne riparâ cuntune pinitince e metisi a puest ancje cul Signôr (Angelo Covazzi, La pinitince)
Sin. rimedeâ
, justâ
, comedâ
Proverbis:
- cui che nol ripare il mâl piçul al à di justâ il mâl grant
- un pecjât fat int une ore, in cent agns no si ripare