rapine  /-ì-/  ra|pi|ne  [CO]

  1. s.f. azion di robâ cun violence:  ti cumbinin nome ricats, secuestris e rapinis (Josef Cjargnel, Lis striis de Cjargne)
    Var. ripine
    1. ancje tant che azion coletive e organizade e tant che sisteme di vuere:  popul [i ongjars] che al viveve dome di rapine (Francesc Placerean, La nestre storie)
    2. in riferiment ai animâi, predazion:  il lôf che là vicin al va cirint, / ne di rapine e sanc l'è mai saziât, / salte al pet di un pastôr (Pieri Çorut, Il lôf di Luncjamp)
  2. s.f. (estens., fig.) azion di puartâ vie in maniere injuste o di vê un vuadagn o un vantaç esagjerât e injust:  fâ une politiche di profit e di rapine su la aghe (Sandro Lano, Lis lidrîs dal "CeVi")
  3. s.f. brame une vore fuarte di possedê:  anzit il plevan i veve vût racomandât: «Rufin, masse rapine di bêçs tu âs. No sintistu il Vanzeli ce che al dîs: di no indafarâsi masse, di no fastidiâ; che une sole robe e je necessarie. E no je i bêçs» (Riedo Pup, I furlans e i bêçs)
    Sin. brame , voie , aviditât , sêt , fam , smanie
    1. mût di fâ plen di brame, di smanie o robe che si fâs o che e sucêt cuntune vore di brame, di smanie