Dizionari de Lenghe Furlane

presince  /-ì-/  pre|sin|ce  [FO]

1. s.f. il jessi intun puest, intun timp, intune situazion:  al à un rûl fondamentâl la presince de lenghe tes scuelis e il so ûs tant che mieç di insegnament (Xavier Lamuela, Une riflession su lis politichis linguistichis); il progjet al proviôt la presince operative di altris ents impuartants, come lis Cjamaris di cumierç, lis Fondazions dai istitûts di credit, lis universitâts (Antoni Beline, Di ca e di là de aghe)
   Cfr. esistence
   
   1. intal sport, partecipazion a di une singule gare:  cuant che si fevele di Dino Zoff e ven simpri iniment la sô espression suturne e impassibile, di cuant che al jere zuiadôr fin ta lis sôs presincis a la vuide di impuartantis formazions di balon (Christian Romanin, Dino Zoff: «O vin lidrîs buinis, o vin di tignîlis di cont»)
      Sin. partecipazion
2. s.f. aspiet, spec. di persone biele e grande:  nol à tante presince (Pieri Somede dai Marcs, Ursule)
   Sin. aparence , aspiet¹ , mostre¹ , vignude
3. s.f. persone o element che al è intun ciert puest, intun ciert timp, intune cierte situazion:  tal 2012 i turiscj talians a son stâts stimâts in cuasi 104 milions di unitâts […] e a àn creât plui di 381 milions di presincis (Attilio Celant, Il rûl economic dal turisim in Italie)
   
   1. persone no ben individuade o cognossude che e je intun ciert puest, intun ciert timp, intune cierte situazion:  o scuvierzei la vite de gnot, lis sôs vôs, lis sôs presincis, lis sôs atrativis (Carlo Sgorlon, Il dolfin); mi soi inecuart di une presince che si ere fate dongje, rivant di çampe (Stiefin Morat, Kebar krossè)
4. s.f. entitât, ancje no ben definide, che e somee jessi intun ciert puest, intun ciert timp, intune cierte situazion:  la citât ti somee imbombide di straniis presincis. Come se i oms a sedin menaçâts di fuarcis che no si cognossin… (Checo Tam, Leviathano!)

Polirematichis e espressions idiomatichis

• gjeton di presince loc.s.m.