predicjâ
pre|di|cjâ
[AF]
-
v.tr.
professâ, insegnâ une religjon:
la glesiuta di Sant Marc, dulà che la tradizion nus conta che sei smontât la prima volta l'evangjelista par predicjâ il so vanzeli (Federigo Comelli, Il me paîs)
Sin. insegnâ1
, pandi
, professâ
, sparniçâ
Var. pridicjâ
-
professâ une ideologjie, une idee o sim.:
Gubian al predicjave cuintri dai "bolscevichi" (Gianni Gregoricchio, Îr e doman)
Sin. insegnâ1
, pandi
, professâ
, sparniçâ
-
v.tr.
(ancje ass.)
fâ un sermon, fâ un discors, soredut di coment aes leturis fatis inte messe o di insegnament di valôrs religjôs:
dabon sì al è lât frari. E capite la sô volte di lâ a predicjâ. Confidant simpri tel aiût del Spiritussant si presente sul pulpit (Giovanni Gortani, Gjats spiritâts);
"E ce aial predicjât il plevan?" "La predicje di resurezion." (Pieri Somede dai Marcs, Resurezion a Pontinie)
-
v.tr.
sostignî che un valôr o une azion a son juscj, utii e v.i.:
ce ocorial che al predicji simpri la pazience, lui, se nol è bon di doprâle (Francesco Coletti, Romeo Battistig, Arturo Bosetti, La massarie dal plevan)
Sin. insegnâ1
, racomandâ
-
v.tr.
(ancje ass.)
fevelâ cun autoritât o cun ande di superioritât, tornant a bati i argoments e tirantle in lunc:
soi stuf di predicjis, si va in ostarie e si sint a predicjâ la radio, in Glesie il Plevan no le finìs plui, in Municipi no si sint che a predicjâ, intal jet mi predicjie la femine… (Pieri Somede dai Marcs, Barbane);
ca us preven, pal vuestri miei, / di no dâ rete a di chei, / che cun arie di comant, / us laran vie predicjant / di stâ dûrs nel dî di no; / ma dît sì, come dîs jo (Pieri Çorut, A la int di campagne);
no jerin veris lis previsions di chei che a predicjavin la fin dal mont par vie dal progrès (Alan Brusini, Par stradis lungjis)
Proverbis:
- cuant che al nevee, il lôf al predicje
- cuant che la bolp e predicje, voli a lis ocjis
- nol zove predicjâ se esempli no si da
- un biel predicjâ il dizun a panze plene
