ponzi  /pò-/  pon|zi  [CO]

  1. v.tr. causâ une pression concentrade intun pont, in câs fasint ancje mâl:  une rose a i ponzè ju biei diduts (Gabriele Paciani, In ocasion del sposalici di siore Rose Vezane cul siôr Antoni de Sclave di Cjamin di Codroip)
    Sin. sponzi , becâ , pontâ
    1. di insets o altris besteutis, colpî cul asei o cun cualchi altri aparât, par fâ mâl, par supâ sanc, par scliçâ velen e v.i.:  i mussons che ti ponzin (Giuseppe Ferdinando del Torre, Il contadinel. Lunari par l'an 1871)
    2. dal aiar, dal frêt e v.i. causâ une sensazion di mâl o di fastidi:  l'aiar vîf de sere al ponzeve e il cîl al jere cuasi scûr (Nadia Pauluzzo, Il bintar)
      Sin. becâ , taiâ , taçâ
    3. ancje di alc di imateriâl, causâ dolôr acût o fastidi o stimul
      Sin. sponzi
    4. (fig.) dâ fastidi, provocâ, ofindi a peraulis o cuntun mût di fâ:  plui tuost vuoi ponzi con la veretât / cu cercjâ di onzi con la falsetât (Zuan Batiste Donât, Lamint a la gruaresa)
      Sin. becâ , stuzigâ , stocâ
  2. v.tr. (ancje ass.) di robe di mangjâ o di bevi o di odôr, fâ une sensazion come di piçulis pontis o di brusôr in bocje o tal nâs:  lu dolç mi lenç, e lu recent mi ponç, / lu mоscatel mi imbalsame il palât, / mі sborfe ju budiei, mi torne il flât (Ermes di Colorêt, I, 89)
    Sin. becâ
  3. v.tr. [CO, TS] med. sbusâ un vâs o un ingjâf dal cuarp, par fâ vignî fûr sanc o materie:  ogni lune si fâs ponzi la vene (Pieri Çorut, La vacje)
    Sin. sponzi , pontâ
Proverbis:
  • fra cjar e ongule no stâ lassâti ponzi
  • la lenghe e onç, il dint al ponç
  • la lenghe no à vues ma tant e cûs e e ponç