Dizionari de Lenghe Furlane

passâ la peraule    [CO]

1. loc.v. cjacarâ, fâ conversazion in gjenerâl o fevelâ di alc di definît:  Sunte in dut chel davoi di paisans e di forescj no si smolave cun nissun fantat. Lôr a cirivin di passâ la peraule par dîsi chei stupideçs tant gustôs ae zoventût. Jê no ur dave seont (Maria Forte, La fie çuete)
   Sin. partî peraule , cjacarâ , tabaiâ , fevelâ , fâ une partide di discors , passâ peraule
2. loc.v. lassâ a cdn. la pussibilitât di fevelâ, soredut in cunvignis o trasmissions o in ocasions li che plui personis a fevelin une par volte
   Sin. dâ la peraule

Components:

• passâ v.intr., v.tr.
• peraule s.f.