parturî
par|tu|rî
[AF]
-
v.tr.
(ancje ass.)
di femine o di animâl di ses feminin, dâ in lûs un frut o un piçul:
Lise e veve parturît Titute, un frutìn che al jere une rose, san e biel, svearin come un luiar (Pieri Menis, Chei di Muraie)
Sin. dâ a lûs
, dâ in lûs
, disgravâsi
, fiâ
, fiolâ
, parî
, prolî
, fâ
-
v.tr.
(fig.)
di lûc, jessi chel di origjin di cdn. o di alc:
a son rivâts fint al confin dal mont […] par vuadagnâsi un pan stentât e insigûr, cu la prospetive di no podê tornâ nancje di muarts a polsâ in chê tiere che ju veve parturîts (Antoni Beline, Sant Jacum, là che al finìs il mont)
-
v.tr.
(fig., ancje scherç.)
creâ, produsi cul cjâf, cul talent:
culì no si trate plui di parturî bielis ideis implantadis par aiar, si trate di tradusilis in disposizions precisis (Josef Marchet, Fûr cui che i tocje)
Sin. creâ
, ideâ
, petâ
, produsi
-
vê tant che efiet, tant che consecuence:
al sucêt simpri cussì; l'odi al po parturî nome odi (Pieri Menis, Sul agâr)
-
v.tr.
(fig., ancje ass., pop.)
lâ dal cuarp:
al jere impegnât a parturî tal cabôt dongje dal ledanâr (Checo Tam, Sense)
Sin. cagâ
, cjiâ
, lâ dal cuarp