palc
palc
[AF]
-
s.m.
riplan alt, ancje sospindût:
ur racomandà di platâsi parsore di un palc [dal batefier], sot dai trâfs, jenfri grovis e berdeis di ferace inrusinide. Li i zovins si comedarin pal rest de gnot (Maria Forte, Cjase di Dalban);
cul ultin bombardament i rus no vevin fat tancj dams. Ben, no tancj, ma trê fantats no ju vevin cjatâts plui intîrs, e a jerin tornâts indaûr butâts sul palc di un camion (Agnul di Spere, Cjalant la rive)
Cfr. altane
, breâr
, scjalâr
, solâr1
-
s.m.
plan pal solit di breis, plui alt de tiere, che al ten sù personis par spetacui o cerimoniis e v.i.:
il bassist al salte come un zupet sul piçul palc e il public al è entusiast (Checo Tam, La maree nere);
[pe fieste dal statût] jo o jeri sul palc in mieç des bandieris das associazions e da lis autoritâts de cumune e dai cumuns vicins (Pieri Somede dai Marcs, A jerin lagrimis)
Cfr. breâr
-
(meton.)
teatri:
i Braul a son za stâts invidâts a Arcipelaghi Sonori in Provincie di Modene, li che si esibiran in curt, e di gnûf sul palc dal Folkest e sui palcs di dute Europe fin a Londre (Moira Pezzetta, Braul, passe vincj agns di musiche sui palcs dal Friûl e no dome)
-
s.m.
ognidun dai compartiments di puescj perimetrâi di une sale di teatri, plui adalt rispiet ae platee:
abàs e tai palcs e rive la siorie, fintremai tai coridôrs la int si ingrume poiade tor il mûr (Alan Brusini, Al Macalè)
Cfr. tribune
, galarie
, loze1
-
public che al è sentât ta chei compartiments:
e si calà il sipari, / vignì fûr l'impresari, / e fat un compliment, / al disè che nol ere / possibil par chê sere / di podê seguitâ il trateniment. / I palcs e la platee tignivin dûr: / "O lâ indenant, o dâ i bêçs indaûr!" (Pieri Çorut, Bolzan e la sô sagre)