breâr
bre|âr
[AF]
-
s.m.
plan fat di breis, soredut in riferiment a chel des sagris, dulà che si bale:
Tune fieste di bal, nissun rivave al Tumbar e, tirantsi in bande, lu lassavin, des voltis, balâ bessôl, a mieç breâr, cu la balarine che lui al zirave e al voltave, dut tirât (Ivano Urli, La musiche);
si pronte pe fieste. Par balâ sul breâr, par fâ une partide di discors cui cugnâts e i cusins, par zuiâ la tombule e mangjâ une luianie cu la polente rustide (Laurin Zuan Nardin, Il cop)
-
paviment di breis, ancje intune cjase, intune costruzion e v.i.:
lu clamavin a rifilâ cemplis, tinaçs, sutinis tal foladôr là sù dai siôrs, o a repeçâ sieraments o a meti jù breârs vie pe stagjon (Dino Virgili, La division);
tu talpinis su la grampe di stran stiernide sul breâr dal vagon (Ivano Urli, Storie di Vera);
al pestave il so baston sul breâr dal paviment e i colps a rontonavin par dute la ostarie (Gianni Gregoricchio, Trê feminis)