Dizionari de Lenghe Furlane

pûr che    [AF]

1. loc.coniun. par introdusi une subordinade condizionâl, cul verp tal coniuntîf:  [la regjine] si môf in dutis lis direzions: dilunc des colonis, des traviersis, des diagonâls, indenant, indaûr e di tropis caselis che si vûl, pûr che a sedin libaris (Nilde Teresa Negro, Zuìn di scacs)
   Sin. a pat che , baste che , se¹ , ben se
2. loc.coniun. par introdusi une finâl, cul verp tal coniuntîf, in riferiment a un fin che al compuarte un sacrifici:  Menie e lassave jessi, pûr che di dut chel smaneç al fos saltât fûr alc di bon (Maria Forte, La fie çuete)
   Cfr. par che , cun chê che
3. loc.coniun. par introdusi une concessive cul verp tal coniuntîf:  «La bielece e je relative, come che al è dut relatîf in chest mont. Se si 'nd à cent dulà sielzint une, la bielece e jes fûr, che si pues fâ un paragon. Ma se invezit di cent tu 'nd âs une, la bielece e je chê, pûr che e sei stuarte o losche» (Meni Ucel, Prioritâts); «Meni al sa là che o voi, e al sa ancje se al merete che o mi sedi vistût di fieste, pûr che al plovi e che al svinti» (Meni Ucel, La ombrene)
   Sin. ancje se , cundut che , si ben che

Components:

• pûr¹ av., coniun.