nobiltât
no|bil|tât
[AF]
-
s.f.
il fâ part des fameis che par dirit consuetudinari o par concession di un sovran a puedin svantâsi di vê un titul ereditari, leât a une autoritât o a une cundizion sociâl privilegjade:
la steme de famee ben metude e pandeve de lôr nobiltât (Pieri Somede dai Marcs, Sant Simon: 28 di Otubar 1917)
Sin. aristocrazie
Cfr. patriziât
, siorie
-
classe sociâl formade di chês fameis:
la bestie nere, pe Serenissime, e jere la nobiltât furlane, che e rapresentave il principi feudâl, la tradizion indipendentistiche (Josef Marchet, Cuintristorie dal Friûl fin sot la Italie)
-
s.f.
il vê carateristichis di ecelence, di valôr morâl:
cetante nobiltât in chel om! Lu veve cognossût ancjemò in Libie: bon come un pari cui soldâts, fradi cui uficiâi, valorôs in bataie (Pieri Menis, Sul agâr);
une famee cuntun cuart di nobiltât antighe e robe tal soreli (Alan Brusini, Come tai romançs)
Sin. altece
, ecelence
-
il vê formis o manieris elegantis:
Picoli intant, cun dute nobiltât, / sence scjaldâsi il sanc, / al sta daûr il banc (Pieri Çorut, Picoli);
[la] mancjance di impagjinazion gjenerâl, e di une regule prospetiche, ogni tant si riscate tai particolârs, che a vegnin rindûts cun plui nobiltât e elegance (Bepi Agostinis, Storie de art in Friûl)
Sin. elegance
, finece
, classe
, cortesanie
, creance
, rafinatece
Proverbis:
- la prime nobiltât e je chê des azions
- no si cuiste la nobiltât nassint, ma ben vivint
- no si cuiste la nobiltât nassint, ma degnementri vivint
