Dizionari de Lenghe Furlane

no  /-ò/  no  [FO]

1. av., inter. par pandi negazion, ancje tant che rispueste a une domande:  Ce varessio di clamâle […]? No, miôr lassâi pensâ che o stoi ca cuiete te mê scusse (Stefano Gasti, Roberta Orepresint)
   
   1. al pues ancje sotintindi dute une proposizion:  «Ben tu, tu âs vût pôre - i à rispuindût Sunte - jo no!» (Cristina Noacco, Faliscjis)
2. av. (enf.) par introdusi domandis retorichis formuladis in maniere negative, ma che a presuponin un acuardi suntune declarazion:  no cjantie di bussadis la vilote dal Tiliment? (Dino Virgili, La vilote dal Tiliment)
   Var. non² , na
   
   1. av., inter. tant che intercalâ o in fin di un resonament par domandâ conferme, riclamâ la atenzion e v.i.:  se e je vere che si è une oasi, si èlu parcè che si è diferents. Juste, no? (Riedo Pup, I furlans e il terorisim)
3. av. in proposizions comparativis, viôt che no , viôt no che , viôt no cu :  une piçule rivoluzion peade ae fuarce di resistence de culture plui che no al scjas des bombardis (Angelo Floramo, Ri-cognossi la autonomie)
   Var. non²
4. av., pron.pers. si font cui pronons atons subiets, assimilant ad in plen la prime persone singolâr, la tierce singolâr feminine e dutis lis personis plurâls, pe tierce persone singolâr masculine al da di risultât "nol", nol à efiets invezit su la forme de seconde persone singolâr:  jo no vuei tornâ indaûr, o vuei lâ indenant (Francesc Placerean, Pe unitât di glesie in Friûl); sì, bon, ma tu no tu âs di butâti jù, cumò! (Jacum Trevisan, Planets); lui nol podeve pierdisi daûr di une cagnere di chê fate (Josef Marchet, Il salon dal barbîr); lôr no pretindin nuie e no domandin nuie (Riedo Pup, La Comission de miserie)
   Var. non² , na
5. s.m. rispueste negative, disacuardi, contrarietât:  par me la rispueste e je un biel no (Franc Fari, Il cjâf dai furlans)
   
   1. posizion eletorâl contrarie, vôt contrari:  la computistarie dai partîts che a doprin il sì e il no come monede di scambi te lôr corse al podê (Josef Marchet, La unitât de camore)
6. av. in funzion di adi.inv., denant di un sostantîf, par dî il so contrari:  ativitâts culturâls e informativis pe difusion di une culture di pâs, dai dirits umans, civîi e de no violence (Aministrazion Publiche, Statût dal Comun di Udin)
   Var. non²

Polirematichis e espressions idiomatichis

• altri che no loc.inter., loc.av.
• ce no loc.inter., loc.av.
• ce sì, ce no loc.av.
• cussì magari no loc.av., loc.inter.
• ma lafè no loc.av., loc.inter.
• magari cussì no loc.av., loc.inter.
• magari fossi no loc.av., loc.inter.
• magari no loc.av., loc.inter.
• parcè di no loc.av.
• parcè no loc.av.
• plui che no loc.coniun.
• po no loc.av., loc.inter.
• po no no loc.av., loc.inter.
• po no po loc.av., loc.inter.
• pûr no loc.av.
• se di no loc.coniun.
• se no loc.coniun.

Proverbis:

• al vâl plui un no cun creance che no un sì vilan
• dî e no fâ al è tant che tasê
• di gnot no si viôt
• di un clap si vuardisi ma di une malelenghe no