Dizionari de Lenghe Furlane

parcè no    [FO]

1. loc.av. par introdusi une domande negative, ancje retoriche:  "Sù po rispuint, no stâ fâ il murgnon, parcè no rispuindistu?" (Pieri Somede dai Marcs, La buteghe dal barbîr); "E tu brut sacodâl, parcè no mi âstu dit nuie prime di cumò?" (Arturo Feruglio, Un grop sul stomi)
   
   1. par introdusi une domande elitiche negative, ancje e soredut cun funzions di interiezion o di rispueste afermative:  "Vegnie ancje jê signorine Clare?" "Parcè no. O fasarìn cuatri cjacaris insieme." (Costantino Smaniotto, Co l'amôr al cimie); "Fasìno la briscule?" […]. Toful al disè di sì, di fâ la partide, parcè no, ma… (Dino Virgili, La aghe da pît la cleve)
      Sin. parcè di no

Components:

• no av., inter., pron.pers., s.m.
• parcè av., s.m.