Dizionari de Lenghe Furlane

ma lafè no    [CO]

1. loc.av., loc.inter. par dâ une rispueste negative, par dineâ:  "Dopo dut a è simpri mê gnece, e je simpri stade in cjase, mio puar fradi in pont di muart me à racomandade e cumò varessio di metile par strade? Ma lafè no!" (Pieri Somede dai Marcs, Barbane); Gjovanin colôr di rose, / l'è passât par chi cumò; / lui mi à dit: "Mandi morose!" / jo i ai dit: "Ma lafè no!" (Popolâr, Gjovanin colôr di rose)
   Sin. lafè no , no lafè , no , no ve
   
   1. par dâ plui fuarce a une declarazion negative:  lis cjampanis a son di Diu e no si tocjilis ma lafè no pai framassons! (Dino Virgili, La aghe da pît la cleve); i siei fîs no saressin ma lafè no mai stâts bogns di un at di chê fate (Alan Brusini, Amîs come prime)
      Cfr. dabon , pardabon , propit , dassen , pardassen

Components:

• lafè inter.
• no av., inter., pron.pers., s.m.