nevôt
ne|vôt
[FO]
-
s.m.
individui calcolât de prospetive dal nono, de none, dal barbe o de agne, duncje fi di un fi, di une fie, di un fradi o di une sûr:
none e jere la miôr femine dal mont! Jo i volevi ben di vite e jê mi 'ndi voleve a mi plui che a nissun dai nevôts (Pieri Menis, Il cuader de none);
i nevôts a tirin daûr i nonos, a disin, e lui si viodeve frut in so nevôt (Dino Virgili, La aghe da pît la cleve);
"Cognossie il fi di mio fradi, che al è muart in Gjermanie, mio nevôt…" (Pieri Somede dai Marcs, Ursule);
si passavin il patriarcjât di barbe in nevôt, nomenant cualchi nevôt coadiutôr cun dirit di sucession, par no lassâ jessî di famee la cariche, come se e fos stade in lôr possediment privât: cussì i Grimans, i Barbars, i Gradonics, i Dolfins (Josef Marchet, Cuintristorie dal Friûl fin sot la Italie)
Cfr. gnece
, barbe2
, agne
, gnagne
, nono
, none
, von
, ave1
, vave
, parint
Proverbis:
- il pecjât dal von, il nevôt lu compon