barbe2
bar|be
[FO, TS]
-
s.m.
fradi di un dai gjenitôrs o om di une sûr di un dai gjenitôrs:
il prin dal an, si tacave di biele buinore a cori dai nonos, dai santui, dai barbis e dâur il bon principi (Josef Marchet, I siops);
[Zorç] al è me barbe ma jo o soi plui vecjo di lui di cualchi mês. Lui al è l’ultin de cjadene dai fradis che e scomence cun me pari (Checo Tam, Les tamossis);
là sù al jere muart di fam, presonîr, so barbe Toni, fradi plui vecjo di so pari (Pieri Menis, Zilugne)
Cfr. agne
, nevôt
, gnece
, cusin
-
s.m.
(fam.)
titul che si pues dâ a cualsisei om inlà cui agns, spec. tant che vocatîf di afiet, ancje se nol è nissun rapuart di parintât:
barbe Radeschi, lu clamavin cussì dopo la batoste di Visc, al jere un om sanghin e scjaldinôs sul moment (Maria Forte, La gnot di Radeschi)
-
om no indevant cui agns, ma espert e cuntune cierte autoritât:
chel al è barbe Vito, nassût dal dîs, mafiôs patentât, om cussient, pari di chei miei disevot agns (Ivano Urli, Storie di Min)