Dizionari de Lenghe Furlane

montât  mon|tât  [AF]

1. p.pass., adi. viôt montâ , viôt montâsi
2. adi. che al à cierts vistîts o furniments:  zoventût di prin svol, bielis polzetis / ben montadis e netis (Pieri Çorut, Il manifest di associazion)
3. adi. di cierts ingredients, spec. pane o blancs di ûfs, sbatûts fin che a deventin une sbrume fisse:  freulis cu la pane montade (Alan Brusini, Come tai romançs)
4. adi., s.m. (pop.) che, cui che al è cjapât di euforie o masse braùre, soredut par une situazion positive resinte, rispiet a une origjin basse:  "Lôr, fâ i conts a cjase mê? Lôr dî che 'Sine e je fie di nissun? Come che a no si savès di trops che e je fie chê schifose di une buiace montade!" (Anute Fabris, A passe la scalmane)
   Sin. esagjerât , spandon , braurôs , gasât , insurît , presuntuôs , sglonf , sglonfon , supierbeôs , supierp , sussiegât , vanitôs

Proverbis:

• mierde montade in scagn o che a puce o che a fâs dam