molâ jù
[CO]
-
loc.v.
fâ lâ jù, in bas o ancje fâ pindulâ:
il Vinars Sant, tal Sepulcri, e a Nadâl, tal Presepi, jê e faseve di Madone: e molave jù un braç di cjavei bionts a pendolon (Dino Virgili, La aghe da pît la cleve);
al leave lis robis une a la volte cuntune cuarde e lis molave jù tal curtîl cu la cidule (Carlo Sgorlon, Prime di sere)
-
loc.v.
(ancje fig.)
fâ colâ:
a mieze matine il siroc al si tacà a butâ sù, e dopo vê cjariât in premure, al molà jù di mostre un prin scjas di ploie (Luigi Gortani, Al marcjât di Vile);
il moment plui biel e profumât de rose prin di molâ jù lis fueis (Maria Forte, Cjase di Dalban);
fra il sofit e il paviment dal solâr vevi scuindût un pâr di casselutis cun dentri ogni ben di Dio di chês che une gnot i arioplans inglês e vevin molât jù (Pieri Somede dai Marcs, Une scarpute)
-
loc.v.
dî cun fuarce o lassâsi scjampâ di dî:
galantom, brâf, gjenerôs cui puars, mutilât di vuere, dret di ideis, che dute la sô vite nol à mai voltât gabane come tancj di lôr, ma rosean e tal discori al molave jù ogni peraule une blesteme (Pieri Somede dai Marcs, 11 di Fevrâr 1929)
Sin. molâ fûr
, dî fûr
-
loc.v.
dâ cun fuarce:
se un al faseve cualchi malegracie a chê puarine, al molave jù di chês ceregnis di fâ coculis cussì sul cjâf e vergulis neris come l'ingjustri sui braçs (Pieri Menis, Cui si jerial impaçât cun Modestute?);
i fassistats, sbruntantsi un cul altri, a vevin tentât di fâi cuintri, ma Setimio ur veve molade jù une cjadreade cun dute la fuarce, e un di lôr al jere plombât par tiare cul çarneli dut insanganât (Gianni Gregoricchio, Îr e doman)
Sin. dâ jù
Cfr. molâ fûr
, dâ fûr
Components:
-
jù
av., adi.inv.
-
molâ
v.tr., v.intr.