maserie
/-ér-/
ma|se|ri|e
[AF]
-
s.f.
grum o grande cuantitât di claps:
une grant maserie di claps si sdrumave jù pe Plâf (Catarine Percude, La fuiace de Madone);
par rivâ là sù, dal Pas, si rimpinavisi par un canalon che al vignive jù come un slambri de «cupule» parsore vie e dulà che i secui a vevin ingrumât maseriis di claps (Pieri Menis, La vuere sul Freikofel)
Var. masiere
, masere
Cfr. grave
, gravâr
, rudine
, glerie1
, glereon
, glereâl
, clapigne
-
[TS]
agr.
grum di claps gjavâts dai cjamps lavorâts e metûts dongje li che no intrighin:
la plante [di papavar] e je dispès intai cjamps, sù pes maseriis, de plane fintremai sui cuei (Giorgio Pascoli, Il Litum: jerbis salvadiis te cusine);
chel altri vecjut al someave al Gnac, sentât su la maserie a sclipîsi tai ultins rais dal soreli (Tonin Cjapielâr, O ai di fâ il presepi)
-
s.f.
mûr di clap cence malte, massime par dividi i cjamps:
une piçule braide dongje di cjase, sierade cuntune maserie (Adriano Del Fabro, Il ‘broili’ di Carli il Grant)
-
s.f.
ancje tal pl., grum di materiâl di une costruzion sdrumade jù:
a volevin dî che li daûr la Cleve, dongje lis maseriis dal Mulinat a vignissin lis striis sul mani de scove (Dino Virgili, La aghe da pît la cleve);
il marchesât furlan, ridusût in maseriis [dopo des scorsadis dai ongjars] e unît cu la Marcje di Verone, al passe tes mans di Indrì di Baviere (Josef Marchet, Cuintristorie dal Friûl fin sot la Italie)
Sin. rudinaç
-
(fig.)
distruzion, faliment:
cheste peande dal Stât nassût su lis maseriis dal fassisim e je la Costituzion (Antoni Beline, Minorancis: un dirit o un delit?)
Sin. rest
, vanzum
-
s.f.
(fig.)
grande cuantitât:
i mi impensi di Sacrup, da li robi, dai agn. E di agn i 'nd ai una masera (Novella Cantarutti, Sacrup)
Sin. grum
, sdrume
, slac