Dizionari de Lenghe Furlane

grave  gra|ve  [AF]

1. s.f. complès di framents di cret plui o mancul piçui:  di là dal sgjâf dal capanon gnûf (tacât e mai finît), daûr dal grumon di grave alte tant che une piçule mont, e jere une altre jessude (Igor Londero, Delit in vie del Lavoro); pe strade deserte si sintive il pas lent dai nemâi, il rumôr des ruedis su la grave e il ciulâ di cualchi sieraie onte mâl (Pieri Menis, Gno nono)
   Sin. clapigne
   Cfr. glerie¹ , gravon , glereâl
   
   1. ancje tal pl., jet di flum, spec. sut, fat di claps:  al jere in grave a torzeonâ cirint, di straviât, mo un nît mo une buse di aghe dulà che i pes a svualassin sot il pêl de membrane che e divît i doi cîi (Stiefin Morat, Claps); Pieri, Pauli e Martin si metin in viaç, a piduline che si intint, jù pas gravis dal Taiament (Luigi Gortani, Il Deu di Cjargne)
   2. tiere avonde magre, cun tancj claps:  un vin gjavât fûr cun fadie di tieris dificilis tant che lis gravis (Anna Bogaro, Dulà bevi un bon tai cence spindi)

Proverbis:

• la polente no pare dongje inte grave