maridâ
ma|ri|dâ
[FO]
-
v.tr.
cjoli une femine o un om in matrimoni:
gno pari al jere agjent di polizie a Triest. Li al à cognossût e maridât mê mari, che e jere triestine (Oscar Puntel, Toni Capuozzo: «Ognidun al bale cun sô agne»);
noma il spolert al era nûf. [Tita] Lu veva comprât da pouc cu la sperança di ingolosî cualchi femenuta che a sji fos deciduda a maridâlu (Silvia Puntel, Sji impensaiso di Tita Jacum?)
Sin. sposâ
, cjapâ
, cjoli
, maridâsi
-
v.tr.
fâ che cdn. altri al cjoli une femine o un om in matrimoni:
è ore di dâi un pôc di aiar a mê fioce, bisugne maridâle (Pieri Somede dai Marcs, Ursule);
«Cuant maridìno il grant li, Cuesim? …». Guri al faseve di no sintî, e Cuesim al slargjave i braçs (Dino Virgili, La aghe da pît la cleve)
Sin. fâ maridâ
, sistemâ
, sposâ
-
v.tr.
celebrâ la union in matrimoni:
a traviersavin la place dal paîs par lâ in glesie. Là ju spietave pre Agnul par maridâju (Roberto Ongaro, Il muc)
Sin. sposâ
Proverbis:
- cu la pazience si è maridât un frari e tal doman al è deventât un lari
- cu la pazience si maride un frari
- cuant che a son di maridâ nissun fantat al è puar, nissune fantate triste
- il maridâ al è curt, il stentâ al è lunc
- la compagnie e maride il frari
- la ocasion a maride il frari
- la robe e maride la brute
- maridâ nol è par ducj
- maridaitlu: mari, daitlu!
- nissun fantat no si maride puar, nissune fantate triste
- no stâ saltâ vidiel se no gno pari ti maride
- se il maridâ si crodès, il mont si disfarès