Dizionari de Lenghe Furlane

malefin  /-ìn/  ma|le|fin  [CO]

1. s.f. brute fin, brute muart:  al à fate la malefin in France cuntun colp di rivolvar di un gjendarme (Josef Marchet, Lis predicjis dal muini); si visà di chel ultin salût e di chel auguri di malefin a jê (Arturo Cabassi, Nol è mai masse tart)
   
   1. grande disgracie, grande distruzion o event che al puarte grande disgracie:  malefins che intun moment a podevin mudâ cjamps vivarôs in tieris pustotis (Mario Martinis, La Canicule)
2. s.f., s.m. grant scjas, grande confusion:  a cjase il malefin! Mire che e vai come ne disperade; Jacun, il pari, che al porcone (Giannino Angeli, Saetis)
   Sin. montafin , cjadaldiaul , disio , davoi , tananai

Polirematichis e espressions idiomatichis

• fâ il malefin loc.v.
• fâ la malefin loc.v.

Proverbis:

• Sant Valantin al fâs il malefin